Ministrja e Integrimit Bregu në takimin me shoqërinë civile për rishikimin e planit të veprimit për përmbushjen e kritereve për anëtarësim në BE, ku ishte i ftuar dhe kreu i prezencës së BE-ë në Tiranë, Sequi, vlerësoi se mungesa e kriterit politik, pengoi marrjen e statusit kandidat të Shqipërisë në BE. Bregu kërkoi që bashkëpunimi me opozitën, të mundësojë brenda afateve kohore, hartimin e dokumenteve që do t'i dërgohen strukturave të Komisionit Europian.

26.4% e ndërmarrjeve menaxhohen nga femrat. Shifra konfirmohet nga Instituti i Statistikave, i cili bëri publik sot prezantimin e të dhënave të regjistrimit për ndërmarrjet jo bujqësore. Në konferencën për mediat, drejtoresha e INSTAT, Ines Nurja duke iu referuar të dhënave të mbledhura, theksoi se 50% e ndërmarrjeve aktive të regjistruara janë krijuar në vitet 2005-2009 dhe gjysma e tyre janë të përqendruara në Tiranë- Durrës.

Nënkryetari i Kuvendit, anëtar i Komisionit parlamentar të reformës zgjedhore, Vangjel Tavo, shprehet se nëse nuk gjendet konsensusi politik, mbi ndryshimet në Kodin Elektoral, rrezikohet që reforma zgjedhore të përfundojë siç ka ndodhur më parë, në prag të zgjedhjeve, ose të mos ketë rishikim të ligjit, si para garës elektorale të vitit 2011. Sipas tij, reforma mund të përfundojë brenda afatit të caktuar, muaji mars, nëse dy partitë e mëdha do të gjejnë konsensusin.

Spitali rajonal i Fierit prej dy javesh nuk furnizohet me uje te pijshem. E vetmja zgjidhje që ka stafi mjeksor dhe pacientët janë përdorimi i puseve te emergjences per furnizimin me uje dhe kryerjen e sherbimeve higjeno-sanitare spitalore. Shkak per kete situatë jane bere difektet ne rrjetin ujeslljelles si dhe demtimet e shumta nga familjaret pergjate gjithë shtrirjes së linjes. Kjo ka krijuar konfuzion dhe anomali ne qendren spitalore te fierit në një kohë kur fluksi i pacientëve ka arritur në mbi 100 vizita.

Norma e papunësisë në Spanjë është rritur në afro 24 për qind, gjatë tremujorit të katërt të vitit të kaluar. Ministri i Financave, Kristobal Montoro, tha se 5.4 milionë njerëz kanë qenë të papunë në fund të dhjetorit, nga 4.9 milionë që ishin në tremujorin e tretë. Spanja ka shkallën më të lartë të papunësisë në Eurozonë, ashtu si dhe Greqia, Irlanda dhe Portugalia. Ajo po përballet me krizën e borxheve, që e ka detyruar të kërkojë ndihma financiare.

Grupi për të drejtat e njeriut, “Vëzhgimi Sirian”, me seli në Londër, thotë se forcat e sigurisë siriane kanë vrarë 34 civilë, përfshirë 10 fëmijë, në përleshjet në mbarë vendin. Sipas këtij grupi, më shumë të vrarë ka pasur në qytetin Homs. Nga ana tjetër, grupi raporton se shtatë dezertorë ushtarakë dhe tetë ushtarë qeveritarë janë vrarë në përleshje. Këto vrasje nuk mund të konfirmohen në mënyrë të pavarur, për shkak të kufizimeve nga qeveria e Sirisë për gazetarët që raportojnë për kryengritjen në këtë vend.

“Mourinho tek Inter? Absolutisht që jo. Ne jemi në një moment të mirë, kemi një trajner të mirë”. Këto janë fjalët e Ernesto Paolillo-s, administratorit të deleguar të Interit. Paolillo ka mohuar zërat që qarkullojnë në mediat italiane për një rikthim të Mourinho në stadiumin ku arriti të fitoi kupën, kampionatin italian dhe Ligën e Kampionëve në finale me B.Mynihut. Më tej Paolillo ka përshëndetur fitoren e Napolit përballë Interit në ndeshjen e vlefshme për fazën çerekfinale të Kupës së Italisë.

Rafael Nadal ka triumfuar ndaj rivalit të tij më të hershëm Roger Federer, duke u kualifikuar për në finalen e Australian Open. Numri dy i botës u imponua me lojën e tij, duke mbyllur sfidën 3-1 me sete (6-7 6-2 7-6 6-4). Një sukses i rëndësishëm për spanjollin që ka konfirmuar veten pretendent për të fituar titullin kampion në turneut Grand Slam të tenisit botëror për meshkuj. Në finale Nadal do të presi fituesin e duelit Djokovic-Murray.

Kuvendi miratoi sot vetëm me votat e maxhorancës ngritjen e Komisionit Hetimor për shkarkimin nga detyra të nënkryetarit të Këshillit të Lartë të Drejtësisë, Kreshnik Spahiu. Kërkesa e paraqitur nga disa deputetë të Partisë demokratike mori 73 vota pro dhe 57 kundër ndërsa deputetët e opozitës ashtu siç e paralajmëruan më herët nuk e votuan ngritjen e komisioni duke deklaruar se këtij komisioni i mungon morali politik.

Aleanca Kuq e Zi ka reaguar lidhur me vizitën e kryeministrit Sali Berisha në Mal të Zi, që sipas saj tregoi edhe njëherë mungesën e vullnetit për bashkimin e shqiptarëve. “Kryeministri u shpreh sërish kundër bashkimit Shqipëri-Kosovë, të cilin e kërkojnë shumica e shqiptarëve. Berisha nuk është kryeministër i 10 milionë shqiptarëve”, ka deklaruar Aleanca. Grupimi i drejtuar nga Kreshnik Spahiu ka akuzuar gjithashtu kryeministrin shqiptar se heshti për të drejtën e flamurit të shqiptarëve në Malin e Zi.

Sekretari amerikan i Mbrojtjes, Leon Panetta ka deklaruar se Al Kaeda nuk është mposhtur ende dhe vazhdon të përbëjë një kërcënim real. Në një intervistë për CBS, shefi i Pentagonit ka bërë të ditur se Shtetet e Bashkuara po ndjekin nga pas rrjetin ndërkombëtar të terrorizmit kudo që ndodhet. Pas vrasjes së liderit të Al Kaedas Osama bin Laden, në krye të saj mendohet se është mjeku egjiptian Ayman al Zawahri.

Të paktën 10 persona, përfshirë gra dhe fëmijë janë vrarë sot në jug të Bagdatit pas bombardimeve të militantëve në shtëpinë që u përkiste dy policëve dhe familjeve të tyre. Policia tha se sulmi ka ndodhur në Musajab, një zonë e banuar me shumicë shiite.Ushtarët, policët, punonjësit e administratës dhe politikanët mbeten objektiva të shpeshta sulmesh në Irak, pasi militantët përpiqen të minojnë rolin e qeverisë dhe të sfidojnë sigurinë, në prag të tërheqjes së trupave amerikane.

Përforcimi në mesfushë për Romën do të jetë Marco Antônio de Mattos Filho, ose shkurt Marquinhos. Lojtari brazilian i Fluminenses zbarkoi rreth orës 7 në aeroportin e kryeqytetit italian dhe shumë shpejt do të bëhet lojtari më i ri i Romës. 25-vjeçari pritet të firmosë një kontratë 6 mujore dhe kjo periudhë do t’i shërbejë për të bindur drejtuesit e klubit roman për të ushtruar të drejtën e blerjes së tij në verë nga Fluminense.

Një prej ekspertëve të politikave të Ballkanit, i cili ka ndjekur nga afër zhvillimet në Shqipëri, këshilltari në Komisionin amerikan të Helsinkit Bob Hand në një intervistë për Zërin e Amerikës ka përshëndetur zhvillimet e kësaj jave në Shqipëri dhe bën thirrje që procesi i ngjarjeve të 21 janarit të vazhdojë deri në fund. Ai shpreson që gjithë procesi të çojë të përclellë besim te sistemi gjyqësor në vend.

Lideri i opozitës Edi Rama i ka dërguar një letër kryeprokurores Ina Rama, ku kërkon cuarjen deri në fund të hetimeve, pasi sic shprehet ai tashmë roli i organit të akuzës është vendimtar. Kryesocialisti garanton Ina Ramën se opozita do mbështesë hetimin e plotë dhe të gjithëanshëm të ngjarjeve të 21 janarit, ndërsa kërkon që edhe ai vetë të dëshmojë, në cilësinë e koordinatorit të organizimit të demonstratës më 21 janar 2011-të, sic thotë Rama.