Lajme Flash

OSBE i ka dërguar një letër kryetarit të komisionit për median Genc Pollo në lidhje me shkarkimin e anëtarëve të Autoritetit të Mediave Audiovizive. Në këtë letër, OSBE shpreh shqetësimin për pavarësinë e AMA-s si dhe shprehet se do përfshihet në proces nisur nga fakti i ndërhyrjes së qeverisë. “OSBE shprehet se po monitoron dhe do shtyrtojë nismën kundër AMA-s. Sipas saj pavarësia e AMA është esenciale” thuhet në letër.

Autobusi i linjës Tiranë-Athinë është sulmuar me armë, ndërsa nga të shtënat janë plagosur edhe dy pasagjerë. Ngjarja ka ndodhur në Mogila të Tepelenës, ku katër persona të armatosur i kanë zënë pritë autobusit, me 22 pasagjerë me qëllim për ta grabitur. Nga të shtënat janë plagosur dy pasagjerët Laurent Tabaku 23 vjeç nga Elbasani dhe një 19-vjeçare, të cilët po marrin mjekim në spitalin rajonal të Fierit.

Në Bruksel zhvillohet sot raundi i ri i bisedimeve mes kryeministrave të Kosovës dhe Serbisë, Thaçi dhe Daçiç. Në takim me shefen e Politikës së Jashtme të BE, Catherine Ashton, do të marrë pjesë edhe zëvendëskryeministri i parë i Serbisë, Aleksandar Vuçiç. Është paralajmëruar se temë e bisedimeve do të jenë çështjet e hapura në lidhje me gjyqësorin dhe formimin e Asociacionit të Komunave Serbe.

Asambleja kombëtare e Tunizisë ka miratuar një kushtetutë të re, tre vjet pas kryengritjes që solli Pranverën Arabe. Ky është një moment historik, pasi përfaqëson një prej kushtetutave më përparimtare në botën arabe. Miratimi i dokumentit u arrit pasi kryeministri Mehdi Jomaa emëroi një Kabinet të ri tranzitor për të lehtësuar krizën mes islamistëve dhe opozitës laike deri në zgjedhjet e reja këtë vit.

Një tjetër konkurrente për Juventusin në garën për Mario Mandzukiç, tashmë shumë pranë largimit nga Bayern pas fjalëve të Beckenbauer. Sipas portalit "Sport.es", edhe Barcelona po ndjek situatën e sulmuesit kroat, për të cilin është interesuar që gjatë Europianit "Euro 2012". Bashkë me Juventusin dhe Barcelonën për Mandzukiç interesohen edhe tre klube angleze: Arsenal, Chelsea dhe Manchester United.

Një pjesë e administratës shtetërore nuk i kanë marrë ende pagat. Ka skaduar kështu afati i dytë që MF dha për mbylljen e këtij procesi. Ky dikaster fillimisht njoftoi se pagat do të jepeshin të mërkurën dhe më pas vendosi si afat të dytë ditën e premte. Por deri dje punonjës të ministrive, por edhe arsimtarë, nuk i kanë marrë pagat e dhjetorit, duke pritur ditën e hënë kur data do të jetë 13, pothuajse gjysma e muajit.

Nga qyteti i Fierit, kreu i bujqësisë premtoi se shumë shpejt do të bëhet publike skema e subvencionit të naftës për fermerët. Rritja e çmimit të naftës që prej 1 janarit do të thotë më shumë shpenzime për fermerët për punimin dhe mbjelljen e tokës. Ministri i Bujqësisë, Edmond Panariti, premtoi se në bazë të skemës së re nafta do të shkojë në duart e fermerëve.

Dhoma e Amerikane e Tregtisë në Kosovë ka vlevrësuar se me vendosjen e barrierave tarifore dhe jotarifore nga Kosova dhe Shqipëria interesat e bizneseve nga të dyja anët e kufirit dëmtohen rëndë. Gjithashtu sipas kësaj Dhome, këto barriera do të pengonin thellimin e marrëdhënieve ekonomike, shkëmbimin tregtar dhe lëvizjen dhe lëvizjen e lirë të mallrave ndërmjet dy vendeve.

Televizioni shtetëror i Iranit ka raportuar se bisedimet për programin bërthamor të Republikës Islamike midis saj dhe gjashtë fuqive botërore, kanë përfunduar me “zgjidhje për të gjitha pikat e mosmarrëveshjeve”. Palët kanë biseduar në Gjenevë në lidhje me zbatimin e marrëveshjes së nëntorit, ku Irani duhet të ndalojë disa aktivitete bërthamore, në këmbim të lehtësimit të sanksioneve ndërkombëtare.

Instituti I statistikave të futbollit, ka bërë publike renditjen e trajnerëve për vitin 2013-të. Në kryë të listës nuk kishte si të ishte ndryshe. Jup Heyckens është shpallur më I miri për suksesin e trefishtë me bavarezet pasi fitoi Ligën e Kampioneve, Kampionatin dhe Kupën. Në vendin e dytë me 101 pikë është Jurgen Klop i Borusias së Dortmundit ndërsa në vendin e tretë është zbulimi për vitin 2013-të, Diego Simeone.

Kryetari i delegacionit të PE për Europën Juglindore, Eduard Kukan, deklaron se vendimi i Brukselit për Shqipërinë nuk ishte i papritur për të, por as për disa politikanë shqiptarë, por për të vendimi për të shtyrë statusin, nuk ishte një vendim i drejtë. Kukan thotë Shqipëria duhet të japë prova të qarta të qëndrushmërisë politike dhe rezultateve konkrete në luftën kundër korrupsionit.

Kryeministri Rama percolli qëndrimin e tij pas mosmarrjes se statusit kandidat. Për Kryeministrin edhe pse Shqipëria nuk mori më të mirën që meritonte, Brukseli vlerësoi arritjet e qeverisë së re, çfarë sipas tij ngushtësoi dhe afatin jo dhjetor, por qershor 2014. Në përgjigje të akuzave të opozites, Rama ka preferuar të distancohet, duke u shprehur se qeveria e tij nuk bie në lojën e tyre të përbaltjes.

Fondacioni “Heritage” mbi zbatimin e ligjit në Evropën Juglindore mbajti nje takim lidhur me situaten ne Shqiperi persa I perket korrupsionit. Ekspertë për Ballkanin në Uashington shprehen se, lufta kundër korrupsionit duhet filluar me konfiskimin e të gjitha pronave dhe pasurive të paligjshme që politikanët kanë grumbulluar, të cilat ata nuk mund t'i justifikojnë si të vëna përmes të ardhurave të rregullta.

30 klandestinë janë bllokuar në një operacion të organizuar nga sektori i anti-trafikut në Gjirokastër. Klandestinët të gjithë nga Siria dhe Eritrea u bllokuan në fshatin Bulo. Kohet e fundit thuajse çdo ditë dhjetra Klandestine kryesisht nga zonat në konflikt përdorin kufirin e gjelbër për të kaluar në Shqipëri dhe më pas në vende të tjera të Europës.

Ministrat e Financave të BE-së kanë arritur një pakt të pritur prej kohësh për mënyrën e trajtimit të bankave të falimentuara në rajon. Pakti synon të krijojë një fond prej 55 miliardë eurosh, të financuar nga industria bankare, përgjatë 10 viteve të ardhshme. Fondi do të mbështetet nga një agjenci e re, që do të vendosë se si do të trajtojë bankat e falimentuara.

Facebook

Share on facebook

Me te shikuarat

Sondazh

Pelqimi juaj per Radio Jug

Who's Online

We have 35 guests online

Counter

You must have the Adobe Flash Player installed to view this player.

Filmat e fundit

Lojërat e fundit

Degjoni Radion Live

Media Publicitet

Lajmet e ditës Audio

Emisionet Tona

Kuriozitete në Radio Jug

Radio-Jug on Facebook